Ua fa’alauiloa fa’alaua’itele e le New Zealand Pavilion le nofoaga ‘autū mo le Fa’alauiloaina o le Poloketi a Yuki Kihara mo le Biannale Arte 2022

• O Yuki Kihara o se tagata tusiata muamua lea ua fai ma sui o Niu Sila i le Fa’aliga Fa’avaomālō o Fa’atufugaga; International Art Exhibition-La Biennale di Venezia, o ia o se tagata Pasefika, Asia ma o se Fa’afafine (o se ituaiga tagata Sāmoa lona tolu)
• O le Poloketi a Yuki Kihara ua fa’aigoaina o le Tolauapiga Fa’a- Parataiso, o se fa’alauiloa e fa’aauauina pea e ala i faigāpā’aga a Sāmoa ma Niu Sila mai le mau a Fa’afafine o le a fa’alia i Arsenale

O le aso, 8 Tesema 2021 ua fa’alauiloa ai e le Creative New Zealand fa’amatalaga ma le fa’alauiloa o le New Zealand Pavilion o le Fa’aliga Fa’avāomālō o Fa’atufugaga lona 59^th – La Biennale di Venezia. O le si’osi’omaga o atunu’u laiti, aia tatau a fa’afafine, teu le va ma pulega fa’akolone o le a fa’alauiloa e Yuki Kihara i lana fa’aliga i le Biennale Arte 2022 i le Poloketi ua fa’aigoaina; Tolauapiga Fa’a- Parataiso, fa’atautaia e le Tausi Falemata’aga Polofesa Natalie King. O lea fa’amoemoe o le a fa’atautaia lea i le nofoaga tutotonu i Arsenale.

O Yuki Kihara ua lauiloa i le su’esu’e i matā’upu tau le talafa’asolopito ina ua mavae pulega fa’akolone i le Pasefika ma fesiligia le fa’auigasesē o talitonuga fa’asisifo mai le mau tau’ave a Fa’afafine (i Sāmoa i le amio fa’a fafine, ituaiga tagata lona tolu i Sāmoa), fa’alapotopotoga o lo’o aofia ai. O le fa’aliga a Kihara mo Venice o lo’o fa’amatalaina i lea ituaiga fā’ata, tusia o ata ina ia gaua’i atu i tala e lei fa’amatalaina, manatu fa’atauva’a i le talafa’asolopito ma matāupu ogaoga e a’afia ai lona atunu’u.

Ona o se tagata tusiata muamua lea mai Niu Sila o le a fa’alauiloa lana taleni i le Biennale Arte, o ia o se tagata Pasefika, Asia ma o se Fa’afafine foi, o le a fa’alauiloa ai e Kihara le so’otaga o Sāmoa ma Niu Sila mai le mau fa’a- Fa’afafine, fa’ailoga ai fa’afitauli ‘autū o lo’o fa’aauauina pea i totonu o Niu Sila i le soifuaga o tagata, matā’upu fa’apolokiki ma so’otaga i aganu’u a le Pasefika. Feso’ota’iga o fa’amaumauga i su’esu’ega, atapu’e, atatifaga ma metotia tau le soifuaga o tagata, ua tagai totoa ai le Tolauapiga Fa’aparataiso i le tautala lelei ma le fa’aosoina o ni su’esu’ega i matā’upu e a’afia ai le olaga o Fa’afafine, e aofia ai le feso’ota’iga ma taimi o pulega fa’akolone, vaevaega ma mala fa’alenatura. Tolauapiga Fa’a-Parataiso o le a fa’alia ai mo se taimi muamua i Venice ma fetu’utu’una’i atapu’e, atatifaga fa’amaumauga mai su’esu’ega, fa’aliga fa’alelotoifale ma le aumalaga e silia ma le 80 tagata. O le pu’eina o ia ata sa fa’atautaia lea i le motu o Upolu i  Sāmoa.

Saunoa Yuki Kihara, “O la’u Folasaga i le New Zealad Pavilion i le International Art Exhibition- La Biennale di Venezia e fa’amoemoe lea i le Tolauapiga i le manatu o le Parataiso, fa’aopopo atu iai ma le lagona fa’a tagatanu’u moni o le Pasefika ina ia mafai ona maua le upu fou o le In-drag-enous. Ou’te fiafia lava i lo’u atunu’u mo le fa’asoa mai i lenei taumafaiga ma ua tuai ona o’o mai le aso e fa’ataunu’u ai lenei fa’amoemoe i Venice”

Manatu o le afioga Chantel Spitz, o se Tusitala Ma’ohi/ Tahiti ma o le Faufautua o le Fono Fa’atonu a le Tolauapiga Faa-Parataiso; O le tupu’aga o Yuki Kihara ma le taumafaiga o lenei Poloketi ua vala’aulia ai i matou e feoai ma fa’asoa i le agalelei o tagata ma isi mea taua ma feilafi o le lalolagi. O le avea ai o au ma Faufautua o le Fono Fa’atonu,  ou te fiafia tele i le loloto ma le ‘anoa o mafaufauga o Yuki Kihara o le a fa’alia i le New Zealand Pavilion i le Fa’aliga lona 59^th International Art Exhibition – La Biennale di Venezia. E le gata i lea ae o le a tutuina se lamepa ma fa’asusulu lona mālamalama mo le Fa’alāpotopotoga a Fa’afafine, e ala i le Tolauapiga Fa’a- Parataiso e fa’ailoa fa’alauaitele ai le Pasefika ma Sāmoa manatu o le talafa’asolopito o fa’atufugaga mai le atu sisifo.

Manatu o le afioga i le Tausi Mata’aga Natalie King; O le Tolaiapiga Fa’a-Parataiso o se fa’aliga mata’ina mo le New Zealand Pavilion i le Biennale Arte 2022. Na fa’amatalaina we Kihara tala o le avea fa’amalosi ma le fa’aitu’au i o tatou taimi e ala lea i le talatalaina o le talafa’asolopito o pulega fa’akolone, feso’otai i polokiki fa’aletagata ma atugaluga i le si’osi’omaga.

Fa’alia e Caren Rangi, Komesina o le New Zealand Pavilion i le Biennale Arte 2022 ma o le Ta’ita’ifono o le Arts Council a New Zealand Toi Aotearoa; E le gata o le Komesina o le Art Council Chair, ae o ia foi o se tamaitai mai le Atu Kuki, o le Tolauapiga Fa’a-Parataiso ua na ia aumaia se nofoaga mautū i lo’u fatu. E ia te a’u le ava ma le migao e lagolagoina ai le taumafaiga a Kihara o se mālamalama e susulu ma fa’auau pea i le Fa’alāpotopotoga o Fa’atufugaga a le Pasefika ma fa’amalamalama isi mea o le a fa’aleoina mo lona atunu’u o Sāmoa.

E fiafia lava le aumalaga a New Zealand mo Venice ua auai le Tausi Mata’aga ma le tamaitai tusiata o Ioana Gordon- Smith o se Sui Tausi Mata’aga o le Pasefika i le Tolauapiga Faa-Parataiso. O le matāfaioi a Ioana o le lagolagosua lea mo le Ta’iala o le Creative New Zealand Pacific Arts Strategy 2018-2023.

Sa auai sui o Niu Sila i le fa’aliga I Venice i le tausaga e 2001. Na manumālō ai nisi o tusiata a Niu Sila i lea fa’aliga e aofia ai; Jacquline Fraser ma Peter Robinson (2001); Michael Stevenson (2003) et al (2005); Judy Millar ma Francis Uprichard (2009); Michael Parekowhai (2011); Bill Culbert (2013); Simon Denny (2015); Lisa Reihana (2017) ma Dane Mictchell (2019).

Mo nisi fa’amatalaga fa’amolemole saini ane i le tatou Upegatafa’ilagi httpp://www.nzatvenice.com

For media enquiries, please contact:

Heather Byrne, Senior Communications Adviser | Creative New Zealand

M: +64 27 292 1589 | E: heather.byrne@creativenz.govt.nz

International media enquiries, please contact:

Charlotte Sluter | SUTTON

M: +44(0)7525118263 | E: charlotte@suttoncomms.com

About New Zealand at International Art Exhibition – La Biennale di Venezia

O le fa’alapotopotoga a le New Zealand Arts Development latou te fa’atupeina ma pulea le auai atu o ni sui o Niu Sila i le International Art Exhibition – La Biennale di Venezia mo le tulata nei i le 6 masina le umi. O le Falemata’aga o le New Zealand Tepapa Togarewa o le pa’aga ‘autū lea. O tagata Niu Sila e auai  atu i Venice o le a iai so latou sao i le fa’asoa a Niu Sila i le International Art Exhibition. O le International Art Exhebition  i La Biannale di Venzia  o se fa’aliga aloa’ia ma maualuga lona tulaga i fa’aliga o fa’atufugaga a le lalolagi. O le tasi itu tāua o se avanoa lelei tele lea e fa’alauiloa ai o se fa’aliga fa’alelotoifale. I le tausaga e 2017, e 86 atunu’u ma e tusa ma le 615,000 tagata sa auai mo le 6 masina. O le umi, fuafua ma va’aiga o ata na fa’alia. O Niu Sila sa auai i lea fa’aliga i le tausaga e 2001 fa’atasi ai ma Dane Mitchell (2019), Lisa Reihana (2017), Simon Denny (2015), Bill Culbert (2013), Mishael Parekowhai (2011) Judy Millar (2009) Francis Upritchard (2009), et a’. (2005), Michael Stevenson (2003), Peter Robinson (2001) ma Jacqueline Fraser (2001).

E uiga i le Tusiata; Yuki Kihara (Sāmoa/ Aotearoa Niu Sila)

O se tagatanu’u o Sāmoa. O Yuki Kihara o se tusiata mai  i ona tupu’aga o le Iapani ma Sāmoa ma o ana galuega e lu’itauina ma fa’amatalaina ai lona tupu’aga e ala i ata va’aia, siva ma a’oa’oga tau i le tausia o falemata’aga, e pei o vaitaimi ua māe’a pulega fa’akolone ma avea ma sui o le Pasefika ma felavasa’iga i tupuaga, ituaiga tagata, fa’aleagaga ma feusuaiga. O Kihara e nofo ma galue i Sāmoa, ma o lo’o fa’amautū ai i le silia nei ma le 11 tausaga. I le tausaga e 2008, na fa’alauiloa ai e le Metropolitan Museum of Art i New York fa’aliga solo a Kihara ua fa’aigoaina o le; Living Photographs, soso’o ai ma le mana’omia o ana galuega e le Falemata’aga mo a latou fa’amaumauga tumau.

O galuega foi a Kihara o lo’o maua foi i fa’amaumauga a le lalolagi e aofia ai; Te Papa Tongarewa of New Zealand, Quennslad Art Gallery/ Gallery of Modern Art, Los Angeles County Museum of Art (LACMA), British Museum and Kaohsiung Museum of Fine Arts. O isi galuega a Kihara sa fa’alauiloa ma tu’uina atu i le Asia Pacific Triennial (2002 ma le 2015); Auckland Triennial (2009); Sakahan Quinquennial (2013); Daegu Photo Biennale (2014); Honolulu Biennale (2017); Bankok Art Biennale (2018).

O le avea ai ma tagata su’esu’e, o ia o se tagata taualoa i le National Museums of World Culture i le atunuu o Netherlands. A o le taualuga o ana su’esu’ega, o le a ia fa’alauiloa ma fa’ailoa ai lana fa’aliga o  solo ua fa’aigoaina Going Native fa’atautaia lea e le National Museum of World Cultures i le tausaga e 2022. O KIhara o se sui auai foi o le Global Asia/Pacific Art Exchange (GAX) , aofia i tagata su’esu’e fa’avaomālō e tagai i le Global Asia, Asian Indiginous, ma Indigenous Studies.

O Kihara o se sui – fa’atonu mo le Tusi ua fa’aigoaina; Samoan Queer Lives, aofia ai le 14 Matā’upu o tala’aga o Fa’afaine ma le LGBTQ ma isi o lo’o nonofo i totonu o Sāmoa, Amerika Sāmoa, Ausetalia, Aotearoa Niu Sila, Hawaii ma Turtle Island USA. O le Sāmoa Queer Lives sa fa’alauiloa aloa’ia i le masina o Oketopa 2018 o lo’o sui fa’atonu ai foi le alii o Dan Taulapapa Mc Mullin ae lomia e le Little Island Press.

O Yuki Kihara o lo’o fa’alauiloa e Milford Gallerie, Aotearoa New Zealand.

www.yukikihara.ws

www.milfordgalleries.co.nz

E uiga i le Tausi Mata’aga; Professor Natalie King OAM.

Yuki Kihara and Natalie King. Photography: Evotia Tamua

O Natalie King o se ta’ita’i Tausi Mata’aga mai Ausetalia, o se tusitala, o se tagata su’esu’e sinia i matāupu tau tusiata ma nofoaga i le vasa o Asia ma le Pasefika. O le poloketi lata mai ua fa’aigoaina; Reversible Destiny: Australian and Japanese Contemporary Photography i le Tokyo Photographis Art Museum o se vāega o le 2022 Olympics Cultural Programme ma o le Series Edito o le Mini Monographs o le Thames & Hudson.

O King o le Polofesa o le Matā’upu tau Tusiata Fa’apisinisi i le Victorian College of Arts, University of Melbourne, i le tausaga e 2020, na fa’amanuiaina ai ma fa’ae’eina atu ai ia King le Pine Auro o le Order of Australia (OAM) mo lana tautua i le matā’upu tau tusiata fa’aonapo nei. Sa faia ni tusitusiga loloto i le matā’upu tau tusiata ma fa’alauiloa e aofia ai; Flash Art International, Art and Australia ma le Televise a le ABC. Sa ia fesoasoani foi i lomiga ma fa’amaumauga a Phaidon, Thames Hudson ma le Routledge.O King e iai lona agava’a ma lona tomai i le tapenaina o galuega so’otau’au,  faigapa’aga, su’esu’ega ma fa’amanuiaga mo ni tusitusiga ua manumālō i ni tauvaga. I le tausaga e 2017 na avea ai King ma Tausi Mata’aga o le Tracey Moffatt: My Horizon Australian Pavilion i le fa’aliga lona 57^th International Art Exhebition- La Biennale di Venezia. Sa ia ta’ita’ia le fa’aliga i le Singapore Art Museum; the National Museum of Art, Osaka; National Gallery of Indonesia, Jarkata; the Museum of Contemporary Art, Sydney; Kaohsiug Museum of Fine Arts, Taiwan, ma isi.

O King o le ta’ita’ifono o le AICA-Australia (International Association of Arts Critics, Paris), o se sui auai o le CIMAM (International Committee for Museum and Collections of Modern Art) ma le Metro Tunnel Arts Advisory Panel; ma o ia o se faufautua mo le Metor Works. I le tausaga e 2021, na fa’ae’e atu ai ia te ia fa’ailoga taualoa o le University of Melbourne Excellence Awards’ The Patricia Grimshaw for Mentor Excellence.

www.natalieking.com.au

E uiga i le Sui Tausi Mataaga: Ioana Gordon- Smith (New Zealand)

O Ioana Gordon-Smith p se tagata tusitala ma o se Tausi Mata’aga foi e alala i Porirua. O lo’o ia galue i le Artspace Aotearoa, Objectspace and Te Uru Waitākere Contemporary Gallery. O ia fo’i o se sui- tausi mata’aga international Indigenous triennial, Naadohbii: To Draw Water i Kanata. O ia o se sui lagolago ma o se sui fa’atonu o le Marinade: Aotearoa Journal of Moana Art. O ia foi o le faufautua o le Enjoy Contemporary Art Space. O lo’o galue nei Ioana o se Tausi Mata’aga i le Māori Pacific at Pātaka Art + Museum.